أسئلة متكررة
يعني إيه "مستوحى من"؟
كل عطر من سِمَتُك معمول عشان يفكّرك بعطر مشهور. إحنا براند مستقل: مش بنبيع العطور الأصلية، ومالناش علاقة بالشركات الأصلية، وأساميهم بنذكرها بس عشان نوصف الريحة.
التركيز كام؟
كل عطورنا Eau de Parfum بتركيز 25–30% زيت عطري، ومعمولة بالإيد في مصر.
العطر بيثبت قد إيه؟
ده بيختلف حسب البشرة والجو وعيلة الريحة. العطور الدافية والخشبية بتثبت عادة أكتر من المنعشة والحمضيات. وعشان يثبت أكتر، رشّه على الرقبة والمعصم، وخفيف على الهدوم.
أختار أنهي حجم؟
ابدأ بـ 10 مل عشان تجرّب الريحة. ولما تلاقي عطرك اختار 50 مل أو 100 مل، والـ100 مل هو الأوفر.
ألاقي عطري إزاي؟
جرّب «اكتشف سِمَتك». بياخد حوالي دقيقتين، وإحنا نختارلك 3 عطور على مقاس سِمتك.
العطر رجالي ولا حريمي؟
كل عطر مكتوب عليه للرجالة أو للستات أو للجنسين، وعطور كتير عندنا للجنسين.
بتوصّلوا فين وبياخد قد إيه؟
بنوصّل لكل محافظات مصر خلال 5 أيام عمل من تأكيد الأوردر. الشحن 75 جنيه للقاهرة والجيزة، و200 جنيه لباقي المحافظات، وبيظهرلك في صفحة الدفع. اقرا سياسة الشحن.
أقدر أرجّع أو أبدّل؟
أيوه، خلال 14 يوم من الاستلام، بشرط إن العلبة ما اتفتحتش والختم سليم. حجم الـ10 مل والعينات مش بيترجعوا. ولو الأوردر وصل مكسور أو غلط، كلّمنا خلال 48 ساعة بصور وهنحلها. اقرا سياسة الاسترجاع.
عندك سؤال تاني؟
كلّمنا على واتساب وهنساعدك.